صحرائے تھر میں 3 روزہ ڈیزرٹ جیپ ریلی کا آغاز ہو گیا۔
محکمۂ کھیل کی جانب سے تھرپارکر کے علاقے رن آف کچھ میں پہلی بار تھر ڈیزرٹ جیپ ریلی کا آغاز کر دیا گیا۔
3 روزہ جیپ ریلی کے پہلے روز 2 کلومیٹر پر مشتمل ٹریک پر مقابلہ ہو رہا ہے، جس میں 60 مرد ریسرز کے ساتھ 3 خواتین ریسرز بھی حصہ لے رہی ہیں۔
کل اسٹار کیٹیگری میں مقابلہ ہو گا، جس کے بعد پری پیڈ کیٹیگری راؤنڈ کے لیے 100 کلو میٹر پر مشتمل ٹریک پر گاڑیاں فائنل راؤنڈ میں حصہ لیں گی۔
ڈیزرٹ جیپ ریلی دیکھنے کے لیے صبح سے ہی مختلف علاقوں سے شائقین جمع ہونا شروع ہو گئے ہیں۔
ریسرز نے دریائے سندھ سے مجوزہ 6 کینالز کے خلاف احتجاجاً گاڑیوں پر No More Canals کے بینرز آویزاں کیے ہوئے ہیں۔
