پاکستان شوبز انڈسٹری کی نوبیاہتا جوڑی اداکارہ ماورا حسین اور اداکار امیر گیلانی کی مہندی کی تازہ تصاویر اور ویڈیوز سوشل میڈیا پر دھوم مچا رہی ہیں۔
فوٹو اینڈ ویڈیو شیئرنگ پلیٹ فارم انسٹاگرام پر حال ہی میں شادی کے بندھن میں بندھنے والی اس فنکار جوڑی نے مہندی کی تقریب کی مشترکہ طور پر تصاویر اور ویڈیوز شیئر کی ہیں۔
ان خوبصورت تصاویر میں اداکارہ کی صرف مہندی ہی نہیں ان کا حسین جوڑا بھی توجہ اپنی جانب مبذول کروا رہا ہے۔
مہندی کی تقریب میں اداکارہ نے بھارتی ڈیزائنر منیش ملہوترا کا تیار کردہ دلکش گولڈن براؤن غرارا پہنا، جس پر روایتی چٹاپٹی کا استعمال کیا گیا تھا۔
صرف مہندی ہی نہیں بلکہ اداکارہ نے اپنی شادی کے سلسلے میں منعقدہ مختلف تقریبات کے روایتی جوڑوں کو جدت کے رنگ دیے۔
انہوں نے مہندی سمیت نکاح اور ڈھولکی کے جوڑوں میں بھی چٹاپٹی کو خاص اہمیت دی۔
اداکاروں کی شادی کی دیگر تقریبات کی طرح مہندی میں بھی صرف قریبی رشتے داروں اور دوستوں نے شرکت کی۔
