راک بینڈ کولڈ پلے کے کنسرٹ میں امریکی کمپنی کے سی ای او کا راز فاش ہو گیا، ویڈیو وائرل ہونے کے بعد ٹیک فرم نے سی ای او اینڈی بائرن کو چھٹیوں پر بھیج دیا اور کیس کی اندرونی تحقیقات شروع کر دیں۔
گزشتہ دنوں کنسرٹ کے دوران جب ایک کیمرے نے فینز کو دکھایا تو سی ای او اینڈی بائرن اور کمپنی کی ایچ آر ہیڈ کرسٹین کیبوٹ ایک دوسرے سے لپٹے ہوئے پائے گئے۔
کیمرہ دیکھتے ہی یہ جوڑا بوکھلا کر نظریں چرانے لگا، اینڈی بائرن نیچے بیٹھ گئے اور کرسٹین کیبوٹ نے منہ دوسری جانب موڑ لیا لیکن دونوں کی چھپنے کی کوشش ناکام رہی، یہ دونوں الگ الگ شادی شدہ ہیں۔
سوشل میڈیا پر اپ لوڈ ہوتے ہی ویڈیو وائرل ہو گئی اور ان کا راز کھل گیا۔
سی ای او کی بیوی نے اپنا فیس بک اکاؤنٹ بند کر دیا اور سی ای او نے لنکڈ اِن پر کمنٹس بند کر دیے۔
اِن دونوں پر تنقید کی بڑی وجہ کارپوریٹ قواعد کی خلاف ورزی ہے۔
