بالی ووڈ کی سینئر اداکارہ دیا مرزا نے اداکار فواد خان کی بالی ووڈ میں کم بیک کی حمایت کے حوالے سے اپنے چند ہفتوں پرانے انٹرویو کی وضاحت کی ہے۔
واضح رہے کہ دیا مرزا کا یہ پرانا انٹرویو انٹرنیٹ اس وقت زیر گردش ہے۔
واضح رہے کہ فواد کی بالی ووڈ میں کم بیک فلم ابیر گلال کو پہلگام میں ہونے والے حملے کے بعد مشکل کا سامنا ہے۔
ادھر دیا مرزا کی جانب سے فواد خان کی واپسی کی حمایت پر مبنی انٹرویو ایک بھارتی میڈیا ادارے میں شہ سرخیوں میں آیا۔ تاہم دیا مرزا نے اسکی وضاحت کرتے ہوئے کہا کہ یہ انٹرویو پرانا اور پہلگام حملے سے قبل دیا تھا۔
اپنے انسٹاگرام پر ایک نوٹ میں انکا کہنا ہے کہ فواد خان کی حمایت میں یہ بیان پہلگام حملے سے قبل دیا تھا۔
انکا مزید کہنا ہے کہ میڈیا ارکان حقائق کی غلط بیانی بند کر دیں، میں نے 10 اپریل کو اپنی ایک فلم پر بات کی تھی جس میں اس حملے سے بہت پہلے فواد کی کم بیک کی حمایت کی تھی۔
لہٰذا میرے بیان کو اب کئی ہفتوں بعد جاری کرنا بند کر دیں یہ غیر اخلاقی اور جارحانہ اقدام ہے۔
